Te Kura Kaupapa Māori o Takapau

“To provide the best Te Aho Matua education we can for the tamariki of Tamatea, aided by the support of our whānau, hapū and iwi”

NGĀ AKOMANGA

Pānui

Maramataka

Matangaronga

Hei Whakauru Mai

Ngā Akomanga:

Akomanga Teina – Whakarongo Pīkari te kupu i tapa ki konei i te mea he kupu akiaki nā ngā tīpuna ki ngā tamariki kia koi ngā taringa pērā i ngā pīkari e tatari ana kia hoki mai ngā kātua me ngā ngā kai ki te kōhanga.

Akomanga Tuakana – Whakarua Kākāriki te kupu i tatū ki konei hei tohu i te hunga tuākana e taea rā e rātou te reo te whakamahi ki tā te kura nei e wawata ai me te aha anō ka tū ake ngā tuākana anō nei he pūkōrero kei te pae, arā, he kākā waha nui.

Rūma Hauora – Kōhanga ora te kupu i meatia ai mō tēnei wāhanga

Taiwhanga Pūranga Kōrero - Pūtoi Kōrero te kupu mō tēnei wāhi hei kapi ake i te tino kaupapa o tēnei rūma, arā, he wāhi tiaki kōrero, he kohinga rauemi.

Rūma Rorohiko – Pae Huakai te kupu mō tēnei rūma nā te mea ko te rorohiko tētahi matapihi ki te ao whānui. He kōrero hoki tēnei mō te kitenga ake i ētahi whetū e mahuta ake ana i te pae whenua hei tohu i tē wā kua mōmona te kai, ā, kua rite mai hei hauhake.

Wharau pupuri taonga hākinakina – Manu tuku te kupu i meatia ai ki konei i te mea koinei hoki te wāhi hei tuku atu i ngā taonga hākinakina.

Wharau tiaki taputapu – Manu tau te kupu mō konei i runga i te whakaaro he manu ka tau he manu harikoa.

Wharepaku Tama – Kōkōuri ko ia nei te tute, te tame tūī

Wharepaku Kōhine – Kōkōtea ko ia nei te uha tūī

Nō konei e kōingo ai kia kai ngā pīkari nei i mātauranga, ā, mutu atu nō rātou tēnei ao.

Ā kāti ka puta te ihu ka huri te kei ki ō mātou huānga o Rangitāne o Te Wharekura o Tamakinui a Rua.

E hia kē ngā tamariki kua puta atu i tēnei kura kaupapa, ā, kua pakeke ake, kua whai tamariki ētahi engari ia e ngākunui tonu ana rātou katoa ki te kura me te kāhui kaiwhakaako nāna nei i whāngai i ngā whakamahuetanga iho a kui mā a koro mā.