“E whakapono ana ahau ki ngā tino uaratanga o Te Kura Kaupapa Māori o Takapau. Kia mau, kia noho whakaara, kia noho koi taku hinengaro ki ngā maatau o ngā kete wananga. Ko te kete Tūāuri, ko te kete Tūātea, ko te kete Aronui. Kia toa whakaaro, kia toa whakarongo, ki toa kōrero, kia toa pānui, kia toa tuhituhi kia tipu ngā ahuatanga tuku iho o tōku pumanawa ki ngā tihi teitei o te taumata. Kia noho ohooho taku auahatangā i roto i ngā mahi waihanga o ngā tau o Ruamano e tuwhera ana taku ngakau. Ki te hari, ki te koa, ki te aroha, he manawanui he manawa māhaki. Ko te hohonutangā o te ako o te mōhio, i te ihi, i te wehi, i te wana i te tika. Rirerire hei ha hei! Kia itā taku mauri, kia puawai taku hauora, taku ahiora, taku mauri ora i roto i te honotangāengāe o tōku wairua, o toku tinana, kia mau tuhonohono te here o tōku iho matua kia tū pakari, kia tu rangātira hei raukura mo ake ake tonu atu e Oi”

Ko Te Aho Matua te tāhūhū, ko ngā tikanga ngā heke, ko te whānau ngā poupou. Ko Te Aho Matua te tūāpapa o te Whare Kōrero o Ngā Kura Kaupapa Māori. Otirā, e whakapono ana ko Te Aho Matua e kōtuitui ana i ngā rongomauri katoa. Arā me āta poipoi i ngā matatini rerekē o te tamaiti i a ia e noho ana ki te kura kaupapa Māori. E ono ngā matapono kua whakairōhia ki te tāhūhū o Te Aho Matua hei o ma tinana, hei o ma wairua, hei manatawa ma hinengāro, hei manapou ma ngākau. Ko ngā kōrero e whai ake nei, he whakarapopototangā mo era matapono e ono.

Te Ira Tangāta – Kei Te Ira Tangāta te kōrero nō ngā Rangitūhāhā te wairua o te tangāta, otirā me mārama rawa te hungā o ngā kura kaupapa Māori ki te āhua o te tamaiti kātahi rā ka pai te whakarite kaupapa ako hei poipoi, hei whakawhanake kia pakari ai ōna taha matatini katoa.

Te Reo - Whai muri iho ko Te Reo, ko tāna kia noho mātāmua te taha ki te reo Māori, engāri, kia aroha anō te tangāta ki ngā reo katoa. Ko te whāingā mātua kia ōrite ngā taumata o ngā reo e rua o ngā ākongā kia eke ai ki ngā ikeikengā o te rangi. Ko te reo Māori i te tuatahi, ko te reo Pākehā i te tuarua.

Ngā Iwi – Ka whai ake ko Ngā Iwi. Me mōhio te tamaiti ki ōnā tātai hono, ki ōnā iwi, ki ngā herengā ki ngā tangāta katoa, ki ngā iwi taketake, ki ngā Iwi Māori hoki. Mā reira e pai ai tana taura here ki iwi kē, ki tangāta kē hoki.

Te Ao – Whai muri mai ko Te Ao. Me purangiaho te tamaiti ki ngā ao rereke, ki te ao o te marae, ki te ao o tōnā kāingā me te aha noa atu i te mea inā kē te whānui o te ao hei hōrapa māna.. Ko ngā uaratangā o te ao Māori e arahi ana i te tamaiti.

Ahuatangā Ako - Ka whai atu ko te Ahuatangā ako. E tika ana me marama te kaiwhakaako ki ngā piki me ngā heke o te tamaiti i a ia e whakaako ana.

Katoa ngā mahi ako he mea mahi i roto i te koangā o te ngākau. E tika ana me whakaihiihi i te ao o te ākongā, me whakareka i ngā āhuatangā ako kia eke ia ki ngā taumata tiketike.

Te Tino Uaratangā – Ko Ngā Tino Uaratangā te mātāpono whakamutungā o Te Aho Matua. Ko te whāingā matua kia puta te tamaiti hei raukura mō tōnā iwi, mō te iwi Māori hoki. Ko tāna he hāpai i ngā mahi kia whaihua ai te iwi.